Հոկտեմբերի 23-ի կառավարական որոշմամբ Ազգային Ժողովի շենքին կկից կկառուցվի նոր արտաքին վերելակ։ Ըստ որոշման՝ ներկայում պատգամավորներն ու հրավիրված անձինք նիստերի դահլիճ և հարակից տարածքներ հասնում են վարչական շենքի ներսով՝ անցնելով մի շարք միջանցքներ և աստիճանավանդակներ, ինչը, ըստ իշխանությունների, հաճախ հանգեցնում է մարդաշատության, տեղաշարժման դժվարությունների և անվտանգության ապահովման խնդիրների։
Նոր վերելակի կառուցումը նպատակ ունի բացառել այս խնդիրները և ապահովել ավելի հարմարավետ ու անվտանգ մուտք ԱԺ շենքի տարբեր հատվածներ։ Ծախսը կազմում է 25,99 միլիոն դրամ։
Շինաշխատանքները, ինչպես պարզվում է, արդեն սկսվել են։ Վերելակը կկառուցվի ԱԺ-ում վերջերս հիմնված սրճարանի տարածքում։ Այս քայլը, ըստ որոշ մեկնաբանությունների, նախատեսված է ԱԺ նախագահության և օրենսդիրների համար՝ թույլ տալով նրանց հարմարավետ կերպով, առանց երկար քայլելու, սրճարանից սահուն իջնել դահլիճ, վայելելով վիտրաժային վերելակով տեսարանը։
Այս սրճարանից, որը հաճախ օգտագործվում է «Քաղաքացիական պայմանագիր» կուսակցության անդամների կողմից, երբեմն՝ նրանց փորձագետների և օգնականների կողմից, ստեղծվում է տպավորություն, թե իշխանությունները ծախսում են պետական միջոցներ՝ ոչ թե ընդհանուր հարմարավետության, այլ՝ իրենց անձնական հարմարավետության համար։
Այս իրադարձությունները տեղի են ունենում այն պայմաններում, երբ ընդդիմադիր ուժերը, ըստ որոշ գնահատողների, չեն կարողացել արդյունավետ կերպով օգտվել իրավիճակից։
Այնուամենայնիվ, պետք է նշել, որ իշխանական շրջանակներում առկա են նաև մեղադրանքներ, թե որոշակի խմբեր, որոնց գաղափարախոսն եղել է Լիպարիտյանը, փորձում են բարձրաստիճան հոգևորականներին և քահանաներին թիրախավորել՝ նպատակ ունենալով պառակտել Ամենայն Հայոց Կաթողիկոսի գահազրկման օրակարգը սպասարկող եկեղեցու միասնականությունը։
