Պաշտպանության նախարարությունը տարեվերջյան պարգեւատրումները կկատարի նոր, մինչև այժմ չկիրառված մեթոդով։ Կառավարությունը գործի է դրել պիլոտային ծրագիր, որի համաձայն՝ նախարարության քաղաքական, հայեցողական եւ քաղծառայության պաշտոններ զբաղեցնող աշխատակիցները պարգեւավճարներ կստանան 2025 թվականի առաջին կիսամյակի համար սահմանված առաջնահերթությունների կատարողականի արդյունքներով։
Այս համակարգի համաձայն՝ Պաշտպանության նախարարության ղեկավարության կազմում մտնող նախարարի երեք տեղակալները կստանան 4 մլն 800 հազարական դրամ, իսկ նախարարի երկու խորհրդականները, վարչությունների պետերը, մամուլի քարտուղարը, քարտուղարության պետը, ռազմաբժշկական փորձաքննական կենտրոնի պետն ու մի քանի այլ աշխատակիցներ՝ 2 մլն 600 հազարական դրամ։ Այս խմբի աշխատակիցների ընդհանուր պարգեւավճարի գումարը կկազմի 146 մլն 296 հազար դրամ։
Նրանցից քիչ պակաս գումար կստանան վարչության պետերի տեղակալներն ու բաժինների պետերը, որոնց թիվը կազմում է մոտ 50 հոգի։ Նրանք էլ կպարգեւատրվեն 1 մլն 200 հազարական դրամով։
Ի տարբերություն վերնախավի, քաղծառայողները կստանան 62-145 հազար դրամի չափով պարգեւավճար։
Այս համակարգի նկատմամբ դժգոհություն է արտահայտել նախարարության մի աղբյուր, որը նշել է․ «Թուլափայ են տալիս, որ ձեններս դուրս չգա, բայց չեն հասկանում՝ սրանով ավելի են վիրավորում։ Պահումներն էլ հանած՝ 50-90 հազար հազիվ ստանանք։ Դրանց հաշվարկի մեջ ոչ մի տրամաբանություն չկա։ Եթե այնքան փող կա, որ ավելցուկ է տվել՝ բաժանելով չի վերջանում, ուրեմն այնպես հաշվեիք, որ ռախիտի գլխի չնմանվեր՝ վերեւը՝ տռզած, ներքեւը՝ բարակ»։
Բացի պարգեւավճարից, նախարարության աշխատակիցները կստանան նաև 13-րդ աշխատավարձ՝ 600-700 հազար դրամի չափով։
Այս պարգեւատրման համակարգը որոշ շրջանակներում համարվում է նախընտրական շրջանի օրինականացված ընտրակաշառք։
Այս հարցի շուրջ դժգոհություն է արտահայտվել նաև Երևանի ավագանու «Մայր Հայաստան» խմբակցության ղեկավար Մանուկ Սուքիասյանը, ով ավագանու նիստում նշել է․ «Կարմիր գծերը կրկին ուզում են թանկացնել»։ Նույն կարծիքը կիսել է խմբակցության անդամ Սամվել Հակոբյանը՝ նշելով, որ «ՔՊ-ն ու նրա կցորդները կրկին թանկացումներ են բերում»։ Նրանք նաև նշել են, որ «խոպան են եկել, ոտը ոտներին գցած՝ միլիոններ են ստանում»։
