Դեկտեմբերի 23-ին կկայանա Վաղարշապատի խոշորացված համայնքի նորընտիր ավագանու նիստը, որի օրակարգում ներառված են բազմաթիվ հարցեր։
Ինչպես մենք նախընտրական փուլում ևս նշել էինք, օրակարգի մի մասը բացարձակապես կապ չունի մեր քաղաքի և նրա բնակիչների շահերի հետ, այլ ծառայում է բացառապես իշխող քաղաքական ուժի շահերին։ «Քաղաքացիական պայմանագիրը» կուսակցությունը ներկայացրել է մի շարք վիճահարույց նախագծեր, որոնց վերաբերյալ «Մայր Հայաստան» խմբակցությունը կներկայացնի իր մանրամասն գնահատականները՝ ոչ միայն ավագանու նիստի ընթացքում, այլև այլ հարթակներում։
Խոսքը հատկապես վերաբերում է համայնքի բյուջեի կառավարմանը։ Մենք պնդում ենք, որ ներկայիս համակարգը, մեղմ ասած, անարդյունավետ է։ «Քաղաքացիական պայմանագրի» կողմից առաջնորդվող մոտեցումը կարելի է բնութագրել որպես «Յուրայիններին՝ ամեն ինչ, բյուջեի հաշվին, իսկ հասարակ քաղաքացիներին՝ տուրքերի ու վճարների մուծման պարտավորություն» սկզբունք։ Հենց այս սկզբունքի հիման վրա էլ մշակվել են և ներկայացվել մի քանի նախագծեր, որոնք մենք կուսումնասիրենք և կներկայացնենք մեր հանգամանքային վերլուծությունը։
Այս պահին այսքան է բավարար։ Խոստանում եմ, որ հաջորդիվ կներկայացնեմ նախագծերի, ավագանու նիստում քննարկվելիք հարցերի և «Մայր Հայաստանի» կողմից առաջարկվող լուծումների մասին ավելի մանրամասն տեղեկատվություն։
Մենք կոչ ենք անում բոլորին հետևել ավագանու նիստերին և «Մայր Հայաստան» խմբակցության գործունեությանը։ Խնդրում ենք ակտիվ լինել, կապի մեջ մնալ մեզ հետ, փոխանցել ձեր համայնքային խնդիրների մասին տեղեկությունները, և մենք դրանց անպայման կանդրադառնանք։
Հարություն Խաչիկյան
«Մայր Հայաստան» կուսակցության վարչության անդամ,
Վաղարշապատի «Մայր Հայաստան» խմբակցության ղեկավար
