ԱՄՆ նախագահ Դոնալդ Թրամփի վարչակազմը հայտարարել է, որ կասեցնում է 19 երկրներից ԱՄՆ մեկնած անձանց կողմից ներկայացված բոլոր ներգաղթային դիմումները, այդ թվում՝ «կանաչ քարտի» դիմումները և ԱՄՆ քաղաքացիության տրամադրման գործընթացը։ Այս քայլը կատարվում է ազգային և հասարակական անվտանգության վերաբերյալ մտահոգությունների ֆոնին։
Այս մասին հայտնի դարձավ դեկտեմբերի 3-ի հրապարակված պաշտոնական հուշագրից։ Կասեցումը վերաբերում է 19 երկրներից ԱՄՆ մեկնած անձանց, որոնց հունիսին արդեն մասնակիորեն արգելվել էր մուտքը երկիր։
Նոր քաղաքականության հիմնավորումը վերաբերում է նախորդ շաբաթ Վաշինգտոնում ԱՄՆ Ազգային գվարդիայի վրա կատարված հարձակմանը, որի ժամանակ որպես կասկածյալ ձերբակալվել է մի աֆղանստանցի տղամարդ։ Կրակոցների հետևանքով զոհվել է Ազգային գվարդիայի մեկ զինծառայող, իսկ մյուսը՝ ծանր վիրավորվել։
Հուշագրում նշվում է, որ ցանկում ընդգրկված երկրներից բոլոր ներգաղթյալները կպարտադրվեն «անցնել մանրակրկիտ վերստուգման գործընթաց, ներառյալ հնարավոր հարցազրույց և, անհրաժեշտության դեպքում, կրկնակի հարցազրույց՝ ազգային անվտանգության և հասարակական անվտանգության բոլոր սպառնալիքները լիարժեք գնահատելու համար»։
Այս քայլը շարունակում է Թրամփի վարչակազմի կողմից սկսված ներգաղթային սահմանափակումների շարքը, որը սկսվեց 2017 թվականի հունիսին։ Դեկտեմբերի 3-ի հուշագրում նշված թիրախային երկրների ցանկում են Աֆղանստանը, Մյանման, Չադը, Կոնգոյի Հանրապետությունը, Հասարակածային Գվինեան, Էրիթրեան, Հայիթին, Իրանը, Լիբիան, Սոմալին, Սուդանը և Եմենը։
Ավելի վաղ, հունիսին, նման սահմանափակումների էր ենթարկվել նաև 19 երկրների ցանկ, որը ներառում էր Բուրունդին, Կուբան, Լաոսը, Սիեռա Լեոնը, Տոգոն, Թուրքմենստանը և Վենեսուելան։
