Այսօր տեղի ունեցավ «Առաջարկ Հայաստանին» երիտասարդական պլատֆորմի նախաձեռնող խմբի առաջին նիստը։ Հանդիպման մասնակիցներն էին հիմնականում «Առաջարկ Հայաստանին» երիտասարդական մրցույթի մրցանակակիրները։
Սա նորարարական և խիզախ գաղափարներով լեցուն երիտասարդների մեծ ու համերաշխ ընտանիքի ձևավորման առաջին քայլն է։ Հանդիպումը բնականոն է, որ արդյունավետ էր։
«Առաջարկ Հայաստանին» ծրագիրը բաց հարթակ է, որը միավորում է տարբեր ոլորտների ներկայացուցիչներին՝ նպատակ ունենալով ներկայացնել Հայաստանի զարգացմանն ուղղված գաղափարներ և նախաձեռնություններ։ Իրականում, այս ծրագրի ամենամեծ արժեքն այն է, որ այն ակտիվորեն ներառում է երիտասարդությանը։
Հենց երիտասարդներն են, ովքեր կձևավորեն և կներկայացնեն այն առաջարկները, որոնք անմիջականորեն վերաբերում են իրենց ապագային՝ կրթությանը, զբաղվածությանը, նորարարությանը, հասարակական ակտիվությանը և նույնիսկ պետական քաղաքականությանը։ Սա սկզբունքորեն նոր մոտեցում է, երբ երիտասարդությունը ոչ միայն մասնակցում է քննարկումներին, այլ դառնում է երկրի զարգացման ծրագրի համահեղինակ։ Նրանք են բոլոր առաջարկների և առաջարկվող լուծումների հեղինակը։
Սա նոր գաղափարների, պատասխանատվության և ստեղծագործ աշխատանքի դրսևորման պլատֆորմ է։ Այն ծրագիր է Հայաստանի բարգավաճման համար, և հենց երիտասարդությունն է լինելու դրա իրականացման հիմնական շարժիչ ուժերից մեկը։
